სსიპ საქართველოს დაზღვევის სახელმწიფო ზედამხედველობის სამსახური

„დაზღვევის შესახებ“ საქართველოს კანონის მე-19 მუხლის მე-4 პუნქტის თანახმად, საჯარო სამართლის იურიდიული პირის - საქართველოს დაზღვევის სახელმწიფო ზედამხედველობის სამსახურთან არსებული სამეთვალყურეო საბჭოს წარდგინების საფუძველზე, მთავრობის განკარგულებით, საჯარო სამართლის იურიდიული პირის - საქართველოს დაზღვევის სახელმწიფო ზედამხედველობის სამსახურის უფროსად 2024 წლის 12 თებერვლიდან, 5 წლის ვადით დავით ონოფრიშვილი დაინიშნა.

დავით ონოფრიშვილი საქართველოს დაზღვევის სახელმწიფო ზედამხედველობის სამსახურს 2019 წლის 8 თებერვლიდან ხელმძღვანელობს. 2012 - 2016 წწ იყო საქართველოს პარლამენტის მაჟორიტარი დეპუტატი, საქართველოს პარლამენტის საფინანსო-საბიუჯეტო კომიტეტის თავმჯდომარე, საქართველოს პარლამენტის ჯანდაცვისა და სოციალურ საკითხთა კომიტეტის წევრი, ასევე  ენერგეტიკის ქვეკომიტეტის თანათავმჯდომარე. საქართველოს პარლამენტის აშშ-ის კონგრესთან მეგობრობის ჯგუფის წევრი.

2004 - 2005  წლებში იყო  შპს „საქართველოს რკინიგზის"  გენერალური დირექტორი.